କୋଭିଡ-୧୯ ଓଡ଼ିଶା ରାଜ୍ୟ ପୋର୍ଟାଲ୍ ଓଡ଼ିଶା ସରକାର

ହଁ । କେବଳ ସରକାରୀ ପୋର୍ଟାଲରେ ପଞ୍ଜୀକରଣ କରିବା ପରେ ହିଁ ଆପଣ ଗ୍ରାମ ପଞ୍ଚାୟତ କିମ୍ବା ସହରାଞ୍ଚଳରେ ପ୍ରବେଶ କରି ପାରିବେ।

କୋଭିଡ ୧୯ ମହାମାରୀ ସଂକ୍ରମଣକୁ ପ୍ରତିରୋଧ କରିବା ପାଇଁ , ସତର୍କତାମୂଳକ ପଦକ୍ଷେପ ଭାବେ ଓଡ଼ିଶା ଫେରୁଥିବା ସମସ୍ତ ବ୍ୟକ୍ତି ୧୪ ଦିନିଆ ସଙ୍ଗରୋଧରେ ରହିବା ବାଧ୍ୟତାମୂଳକ ଅଟେ। ସଙ୍ଗରୋଧରେ ରହିବା ପାଇଁ ଗ୍ରାମ ପଞ୍ଚାୟତ ଓ ସହରାଞ୍ଚଳରେ ସରକାର ସମସ୍ତ ସୁବିଧା ଯୋଗାଇ ଦେଉଛନ୍ତି।

ସରକାରଙ୍କ ପକ୍ଷରୁ ହୋଇଥିବା ସଙ୍ଗରୋଧ ସହାୟତା ପାଇବା ପାଇଁ ପଞ୍ଜୀକରଣ କରିବା ଜରୁରୀ ।

ଆପଣ ଏହି - https://covid19regd.odisha.gov.in/ ପୋର୍ଟାଲରେ ନିଜେ ନିଜ ପାଇଁ ପଞ୍ଜୀକରଣ କରିପାରିବେ।

ଗ୍ରାମ ପଞ୍ଚାୟତ ଏବଂ ସହରାଞ୍ଚଳ କର୍ତ୍ତୃପକ୍ଷଙ୍କୁ ମଧ୍ୟ ପଞ୍ଜୀକରଣ କରିବା ପାଇଁ ସ୍ଵୀକୃତି ଦିଆଯାଇଛି ।

ଆପଣଙ୍କ ପାଇଁ ଆପଣଙ୍କ ଗାଁ କିମ୍ବା ସହରରେ ରହୁଥିବା ପରିବାର ସଦସ୍ୟ/ ବନ୍ଧୁ ପଞ୍ଜୀକରଣ କରିପାରିବେ। ଏଥିପାଇଁ ସେମାନେ ଗ୍ରାମ ପଞ୍ଚାୟତ କାର୍ଯ୍ୟାଳୟ କିମ୍ବା ପୌର କର୍ତ୍ତୃପକ୍ଷଙ୍କ କାର୍ଯ୍ୟାଳୟରେ ଆବେଦନ କରି ପାରିବେ।

ସଙ୍ଗରୋଧ (Quarantine) ର ଅର୍ଥ ହେଉଛି ବ୍ୟକ୍ତି ବିଶେଷଙ୍କୁ ଜନଗହଳିଠାରୁ ଦୂରରେ ଗୋଟିଏ ସ୍ଥାନରେ ରଖି ଲକ୍ଷଣ ଅନୁଶୀଳନ କରି ସଂକ୍ରମିତଙ୍କ ଶୀଘ୍ର ଚିହ୍ନଟ ଏବଂ ସଂକ୍ରମଣ ନିୟନ୍ତ୍ରଣ ।

ବର୍ତ୍ତମାନ କରୋନା ମହାମାରୀ ଭଳି ସଂକ୍ରମଣକୁ ରୋକିବା ପାଇଁ ସଙ୍ଗରୋଧର ଆବଶ୍ୟକତା ରହିଛି । ରାଜ୍ୟ ବାହାରୁ ଆସୁଥିବା ସବୁ ବ୍ୟକ୍ତିଙ୍କ ପାଇଁ ୧୪ ଦିନିଆ ସଙ୍ଗରୋଧ ବାଧ୍ୟତାମୂଳକ ଅଟେ।

ଗ୍ରାମ ପଞ୍ଚାୟତ/ ସହରାଞ୍ଚଳରେ ସଙ୍ଗରୋଧ ପାଇଁ ସରକାର ସମସ୍ତ ବ୍ୟବସ୍ଥା କରିଛନ୍ତି। ସଙ୍ଗରୋଧ ସମୟରେ ସରକାରଙ୍କ ପକ୍ଷରୁ ରହିବା, ଖାଇବା, ଶୌଚ ସାମଗ୍ରୀ ସହ ଚିକିତ୍ସା ସେବା ଇତ୍ୟାଦି ସମ୍ପୂର୍ଣ୍ଣ ମାଗଣାରେ ଯୋଗାଇ ଦିଆଯିବ।

ନା । କେବଳ ପଞ୍ଜୀକରଣ କଲେ ଆର୍ଥିକ ପ୍ରୋତ୍ସାହନ ମିଳିବ ନାହିଁ। ସରକାରୀ ପ୍ରକ୍ରିୟା ଏବଂ ସମସ୍ତ ନିୟମର ଅନୁପାଳନ କରି ସଫଳତାର ସହ ୧୪ ଦିନିଆ ସଙ୍ଗରୋଧ ସମାପ୍ତ କଲେ ହିଁ ୨୦୦୦ ଟଙ୍କାର ପ୍ରୋତ୍ସାହନ ରାଶି ଆପଣଙ୍କୁ ମିଳିବ।

ହଁ । ଆପଣ ଓଡ଼ିଶାକୁ ଫେରିବା ପାଇଁ ଏକ ଘରୋଇ ଯାନ ବ୍ୟବହାର କରିପାରିବେ। କିନ୍ତୁ ଏଥି ପାଇଁ ପଞ୍ଜୀକରଣ ବାଧ୍ୟତାମୂଳକ ଅଟେ ଏବଂ ଘରୋଇ ଯାନରେ ଯାତ୍ରା ପାଇଁ ଆପଣଙ୍କୁ ଏକ ଅନୁମତି ପତ୍ର ଦିଆଯିବ। ଏହି ଅନୁମତି ପତ୍ର ବିନା ଆପଣ ଯାତ୍ରା କରିପାରିବେ ନାହିଁ।

ଓଡ଼ିଶାରେ (Arrival Point) (ରେଳ ଷ୍ଟେସନ/ ବସ ଷ୍ଟାଣ୍ଡ / ବିମାନବନ୍ଦର)ରେ ପହଞ୍ଚିବା ପରେ ଦୟାକରି ଆପଣଙ୍କର ସମ୍ପୃକ୍ତ ଗ୍ରାମ ପଞ୍ଚାୟତ ବା ସହରାଞ୍ଚଳର ନୋଡାଲ୍ ଅଫିସରଙ୍କ ସହିତ ଯୋଗାଯୋଗ କରନ୍ତୁ। ସେମାନେ ଆପଣଙ୍କୁ ସଙ୍ଗରୋଧ ସୁବିଧା ସମ୍ପର୍କରେ ଜଣାଇବେ । ଆପଣଙ୍କୁ ୧୪ ଦିନିଆ ବାଧ୍ୟତାମୂଳକ ସଙ୍ଗରୋଧରେ ରହିବାକୁ ପଡିବ। କେବଳ ସଙ୍ଗରୋଧର ସଫଳ ସମାପ୍ତି ପରେ, ଆପଣ ନିଜ ଘରକୁ, ସମ୍ପର୍କୀୟଙ୍କୁ ସାକ୍ଷାତ କିମ୍ବା ଅନ୍ୟାନ୍ୟ କାର୍ଯ୍ୟ କରିବା ପାଇଁ ଅନୁମତି ପାଇବେ ।

ହଁ । କୌଣସି ଲକ୍ଷଣ ନଥିଲେ ମଧ୍ୟ ଓଡ଼ିଶାକୁ ଫେରିଥିବା ସମସ୍ତ ବ୍ୟକ୍ତିଙ୍କ ପାଇଁ ୧୪ ଦିନିଆ ସଙ୍ଗରୋଧ ବାଧ୍ୟତାମୂଳକ ଅଟେ।

ନା। ଥରେ ଓଡ଼ିଶାକୁ ଫେରିବା ପରେ ଏଠାରେ ଏକ ବାଧ୍ୟତାମୂଳକ ୧୪ ଦିନିଆ ସଙ୍ଗରୋଧରେ ରହିବା ପରେ ହିଁ ଆପଣ ଯାଇପାରିବେ।

ହଁ । ପଞ୍ଜୀକରଣ ପରେ ଆପଣ ଏହାକୁ ବାତିଲ କରିପାରିବେ। ଯଦି ଆପଣ ଓଡ଼ିଶାକୁ ଫେରିବାକୁ ଚାହୁଁନାହାନ୍ତି, ତେବେ ନିଜେ ତଥା ନିଜ ପରିବାର ସଦସ୍ୟ ଏବଂ ବନ୍ଧୁଙ୍କ ଦ୍ଵାରା ପୋର୍ଟାଲରେ ବିବରଣୀ ପ୍ରଦାନ ସହ ନିଜ ଗ୍ରାମ ପଞ୍ଚାୟତ/ ସହରାଞ୍ଚଳର ନୋଡାଲ ଅଧିକାରୀଙ୍କୁ ସିଧାସଳଖ ଟେଲିଫୋନ ମାଧ୍ୟମରେ ଜଣାଇ ପାରିବେ।

ପଞ୍ଜୀକରଣ ପରେ ନୋଡାଲ ଅଫିସରଙ୍କ ସବିଶେଷ ବିବରଣୀ ଆପଣଙ୍କୁ ପଠାଯିବ, ଅନ୍ୟପକ୍ଷରେ ଆପଣ ନିମ୍ନ ପ୍ରଦତ୍ତ ଲିଙ୍କକୁ ଯାଇ ନିଜ ନୋଡାଲ ଅଫିସରଙ୍କ ସମ୍ପର୍କରେ ସୂଚନା ପାଇ ପାରିବେ : – https://covid19portal.odisha.gov.in/know-your-nodalofficer/

ଆପଣ ଯଦି ପଞ୍ଜୀକରଣ ନକରି ଓଡ଼ିଶା ଆସନ୍ତି ବା ୧୪ ଦିନ ବାଧ୍ୟତାମୂଳକ ସଙ୍ଗରୋଧରେ ନ ରୁହନ୍ତି ବା ସଙ୍ଗରୋଧ ନିୟମର ଅନୁପାଳନ ଣ କରନ୍ତି , ତେବେ ବିପର୍ଯ୍ୟୟ ପରିଚାଳନା ନିୟମ-୨୦୦୫ର ଅନୁଯାୟୀ ଆପଣଙ୍କ ବିରିଧାରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।